Valakirina çend gundên Xaneqînê ji ber gefên DAIŞ`ê
Bi dû zêdebûna tevger û gefên têrorîstên DAIŞ`ê li derdora Xaneqînê ser bi parêzgeha Dîyale ya Iraqê, hejmarek gundên vê herêmê hatin valakirinê.
Kanala NRT`yê ragihand ku liv û tevgerên têrorîstên DAIŞ`ê li Xaneqînê û derdora wê zêde bûne û ev yeka bûye sedema gefê li hemberî ewlehîya niştecihên vê deverê.
Di hefteyên buhurî de deverên curbicur ên Xaneqînê ji wan mezargeha Bavemehmûd ketine ber êrişa têrorîstên DAIŞ`ê ku ew êrişana bûne sedema dilgiranîya niştecihên herêmê û valakirina hin gundan.
Deverên li Xaneqînê ketine ber êrişa DAIŞ`ê nemaze rêya Kelar-Xaneqînê, bi awayekî hevpar ji hêla hêzên ewelhîyê yên herêmî û polîsên fêdêral ên Iraqê va tên birêvebirinê û meqera hêzên çiqa 3 ya Pêşmerge jî li wan deverana ye û ew hêzana gişk di dema êrişa DAIŞ`ê da ketine dewrê û hêzên ewlehîyê yên navçê jî ketine ber bombeyên DAIŞ`ê.
Li gorî rapora NRT`yê, bilî têrorîstên DAIŞ`ê hin hêzên çekdar ên nenas jî li vê deverê hene.
