Vîdyo- Keştiya brîtanî ya bi navê Rubimar piştî ku ji aliyê hêzên çekdar ên Yemenê ve hat hedefgirtin, li Kendava Adenê binav bû
Hêzên çekdar ên Yemenê roja 18`ê Reşemiyê keştiya “Rubimar”ê kirin armanc û ziyaneke mezin gihandin gemiya Brîtanî û bû sedema binavbûna wê.
Ava kendavê ket hundirê keştiya Brîtanî “Rubimmar”, ku dest bi binavbûnê kir û taybetmendiyên wê di nav avê de winda bûn.
Roja Duşemî 19ê Reşemiyê, Hêzên Çekdar ên Yemenê ragihand ku wan gemiyeke Brîtanî li Kendava Adenê bi hejmarek mûşekên guncav ên deryayî kirine armanc.
Berdevkê Hêzên Çekdar ên Yemenê Serleşker Yehya Serî wê demê got: “Hêzên me yên deryayî li Kendava Adenê keştiyeke Brîtanî ya Rûbîmarê bi hejmarek mûşekên deryayî yên guncaw hedef girtin û rastî lêdaneke rasterast û bi bandor hatin.”
Serleşker Serî bal kişande ser wê yekê ku “yek ji encamên operasyona taybet li Kendava Adenê ew bû ku gemiya Brîtanî hat derbkirin û bi temamî hat rawestandin û di encama ziyanên mezin de, keştî dikeve metirsiya binavbûnê.”
Wî tekez kir ku “Hêzên Çekdar di dema operasyona xwe ya bi kalîte de li Kendava Adenê piştrast kirin ku karmendên keştiya Brîtanî bi ewlehî derketin.”
Hêzên çekdar ên Yemenê ji 19`ê Mijdara par ve, ji bo piştevanîkirina ji Zîvala Gazayê ku ev zêdetirî 4 meh in êrişên siyonîstî dibîne, li dijî gemiyên girêdayî artêşa Israîlî ya îşxalker an jî ber bi benderên wê ve diçin, operasyonan pêk tînin. Piştgiriya Amerîka û Rojava.
