Walîyê Kerkûkê ragihand ku aramî û ewlehî vegeriyaye bajarê Kerkûkê.
Necmedîn Kerîm waliyê Kerkûkê ragihand ku rewşa ewlehiyê li Kerkûkê piştî kuştina bi dehan terorîstên DAIŞ`ê biewleh û aram bûye.
Tê gotin ku herî kêm 60 terorîst li Kerkûkê li encama pevçûnên duh tev artêşa Iraqê hatin kuştin û nêzîkî 150 kes jî birîndar bûn.
Di eynî demê de Elî Mûsa Yadigar serokê kumîteya ewlehiyê ya Kerkûkê li bara hewldana Emerîkayê jibo guhestina hewayî ya 170 teroîstan bo Kerkûkê agahî da.
Operasyona artêşa Iraqê jibo azadkirina navçên rojhilata Mûsilê li parêzgeha Neynewayê jî destpê bûye.
Erkantiya fermandehiya operasyona hevpar a artêşa Iraqê li daxûyaniyekê ragihand ku hêzên iraqî agir berdane bîrên niftê û teşkîlata gazoîlê li başûrê Mûsilê. Rêxistina rawestana li ber terorîzma Iraqê jî li bara teqîna çend trimbêlên bombekirî yên DAIŞê li navça El-Xezanê li rojhilata bajarê Mûsilê agahî da.
Terorîstên DAIŞ`ê piştî serketinên çend rojên buhurî yên artêşa Iraqê li Mûsilê, operasyona xirabkarane li vî welatî zêde kirine.
Operasyona azadkirina bajarê Mûsilê li parêzgeha Neynewayê ji destê DAIŞ`ê ji 17 Cotmehê destpê bûye.
Li vê operasyonê heya niha zêde ji 500 km 2 ji vê parêzgeha bakurê Iraqê ketiye bin kontrola hêzên iraqî. (BANGÊ ÎSLÂMİ)
