Welîd Muelim û şandiyê NY civîyan
Wezîrê karên derve yê Sûriyê û şandiyê NY li karûbarên Sûriyê meselên mayî yên têkildarî komîta qanûna bingehîn û mekanîzm û kiryarên têkildarî wê hilkolandin.
Li gorî rapora SANA News`ê, Giyêr Pêdêrsên, şandiyê NY li karûbarên Sûriyê ku şeva buhurî gihêşt Şamê, vê sibê çû seredana Welîd Muelim wezîrê karên derve yê Sûriyê.
Welîd Muelim li vê hevdîtinê ragihand ku Sûriyê ser pêvajoya siyasî pêbend bûye û amade ye dewamê bide hevkariya bi şandiyê taybet ê NY ku peywirdariya wî li hêsandkirina gotûbêja sûrî-sûrî bihêje rêçareyek siyasî.
Pêdêrsên jî bal kişand ser vê yekê ku li pêvajoa siyasî ya çareserkirina qeyrana Sûriyê de pêşketin hebûye û ragihand amade ye hewldanên pêdivî bo hêsankirina gotûbêja sûrî-sûrî bike.
Li gorî vê raporê, wezîrê karên derve yê Sûriyê û nunerê NY li vê civînê ser vê meselê li hev kiribûn ku bi tenê Sûriyê mafê xwe heye rêberiya pêvajoya qanûna bingehîn bigre destê xwe.
Hizra avakirina komîta qanûna bingehîn a Sûriyê bo cara yekê li civîna “ kongira gotûbêja neteweyî ya Sûriyê“ li rojên 29 û 30 Çillê li bajarê Sûçiyê ya Rûsiyê hat hilêxistin. Avakirina komîta qanûna bingehîn yek ji mijarên giring ên civînên Astanê ye.
