Piştgiriya Îranê ji xuliqkariyên siyasî yên jibo çareseriya qeyrana Sûriyê

Sekreterê Konseya Bilind a Ewlehiya Neteweyî ya Îranê got: Komara îslamiya Îranê, pişta xuliqkariyên siyasî yên ku xwesteka rastîn a xelkê Sûriyê dabîn bikin, digire.

Elî Şemxanî, sekreterê Konseya bilind a Ewlehiya Neteweyî ya Îranê, roja sêşemiyê li hevdîtina bi Îmad Xemîs, serokwezîrê Sûriyê li Tehranê destnîşan kir: Dewama hewldanên giştalî jibo azadkirina navçeyên li bin lepên terorîstan li Sûriyê bona vegerandina ewlehî û aramiyê bo Sûriyê û şopandina hevgav a riya gotûbêjên sûrî- sûrî jibo gihîştina bi wifaqa neteweyî, dikarin dawiyê li qeyrana vî welatî bînin.

Şemxanî, ji bilî sekinîna li ser parastina yekperçetiya axê û serxwebûna siyasî ya Sûriyê, herwiha got: Nabe ku em îznê bidin dijminên Sûriyê derfeta girbesê û gotûbêja siyasî, wekî taktîkekê jibo vejiyandina hêza xwe ya mirovî, pereyî û çekan ên komên terorîst û pergalkirina wan bi kar bînin.

Imad Xemîs, serokwezîrê Sûriyê jî di vê hevdîtinê de raporekê li ser alûgorên meydanî yên herî dawîn ên vî welatî û pêşveçûnên li şerrê dijî komên tekfîrî terorîstî, şopandina riya siyasî jibo derbasbûna ji qeyranê yek ji bijarteyên girîng da zanîn û got: Dewleta Sûriyê hertim bi dijberên ku çekên wan tunene û hes dikin ku yekperçetiya welêt were parastin, gotûbêj kiriye.

Serokwezîrê Sûriyê, duşemiyê bi şev bi armanca berfirehkirina hevkariyan bi Komara Îslamiya Îranê re derbasî Têhranê bû. (BANGÊ ÎSLÂMİ)