Heyder Ebadî ji El-Helbûsî xwest bila bi lezgînî qanûnên têkildarî avedankirina Iraqê bipejirîne
Serokwezîrê Iraqê li hevdtina serokê parlemana vî welatî jê xwest ku bila bona pejiarndina qanûnên têkildarî avedankirina Iraqê lezê bike.
Li gorî rapora Someriye News`ê, û ji zarê nivîsgeha serokwezîriya Iraqê, Heyder Ebadî li daxûayniyekê bijartina Muhemed El-Helbûsî bo serokatiya parlemanê pîroz kir û jê xwest ku bila bona pejirandina qanûnên têkildarî avedankirina Iraqê, aramî, geşatî û cihhatina armancên xelkê û bersivandina xwestekên wan ên qanûnî lezê bike.
Serokwezîrê Iraqê herwiha hêvî kir, li qonaxa tê şahedê hevkariya zêdetir a navbera du hêzên kivşkirina qanûnan û hêza cihanînê bona xizmeta bo gelê Iraqê be.
El-Helbûsî jî li vê hevdîtinê bal kişand ser viyana parlemanê li dewra nû bona xurtkirina yekitiya neteweyî û parastina destkewtên neteweyî ku ji bo gel, yekitî, pararstina hakimiyet û serweriya neteweyî ya vî welat cih hatine.
Wî qahêmbûna yekitiya neteweyî û jiyana bi aşitî ya iraqiyan, hevkariya tev hêza cihanînê û hewldana ji bo dewama peywendiyên Iraqê tev welatên navçeyî û navneteweyî bona parastina ewlehî û aramiya navçê û berjewendiyên gelanî ji ewlewiyetên parlemanê li dewra nû dan zanîn.
Her du aliyan herwiha li ser pêwîstiya lezgînkirina damezrandina dewleta Iraqê, hewldana ji bo berfirekirina xizmetan û avedankirina hemî parêzgehan, dayîna bersiva xwestekên gel û her wiha parastina yekperçetiya Iraqê teqez kirin.
