Trump: Em nabin polîsê Rojhilata Navîn bê beramber

Serokê Amerîkayê Donald Trump ragihand ku, welatê wî bê beramber nabe polîsê Rojhilata Navîn.

Îro Pênşemê derbarê vekişandina hêza welatê wî ji Sûriyê Serokê Amerîkayê Donald Trump li ser rûpela xwe ya Tiwîterê tekez kir ku, proseya derketina wan ji Sûriyê ne jinişkave û surprîzek bû.

Herwiha Trump a]kere kir ku, welatê wî bê beramber nabe polîsê Rojhilata Navîn.

Duh Serokê Amerîka Donald Turmp ragehand ku, wan rêxistina DAIŞê li Sûriyê şikenand û ji bo vê mebestê hêzên Amerîka li wî welatî hebûn û niha ti sedem bo mayîna wan li wî welatî nemaye.

Di heman demê de Wezareta Derve ya Amerîkayê ragehand ku, fermanberên wan di heyama 24 demijmêran de  ji Sûriyê vedkişin.