Çeteyên DAIŞ`ê beşeke kampa Yermûkê dagîr kirin
بەشێک لە ئوردوگای یەرمووک کەوتە دەستی داعش
Çeteyên koma têrorîst a DAIŞ`ê beşek ji kampa Yermûka Sûriyê dagîr kirin.
Li gorî rapora roja duşemiyê, 11`ê nîsana 2016`an, a malpera Ehd a Libnanê, çeteyên koma têrorîst a DAIŞ`ê ku ji aliyê welatên wek Tirkiye û Erebistanê va tên piştgirîkirin, piştî pevçûna giran ligel koma têrorîst a Cebheya Nusreyê, kontrola beşin ji kampa awareyan a Yermûkê li başûrê Şama paytexta Sûriyê xistine destê xwe.
Kampa Yermûkê navçeyeke filistînînişîn li başûrê Şam, paytexta Sûriyê ye ku di sala 1957`an da hat avakirin.
Dewleta Sûriyê birêvebirina kampa Yermûkê radestî Bereya Gel jibo Azadkirina Filistînê hatibû kirin, lê ji destpêka Nîsana 2015`an va komên têrorîst ên DAIŞ û Cebheya Nusreyê ketin nav vê kampê.
داعش کۆنترۆڵی بەشێک لە ئوردوگای یەرمووکی سوریای گرتە دەست.
بەگوێرەی ڕاپۆرتی ڕۆژی دووشەممەی ماڵپەڕی عەهدی لوبنان، تیرۆریستانی داعش دوای تێکهەڵچوونی توند لەگەڵ تاقمی تیروریستی نوسرە، کۆنترۆڵی بەشگەلێک لە ئوردوگای ئاوارەکانی یەرمووک لە باشووری دیمەشقیان بە دەستەوە گرتووە.
ئوردوگای یەرمووک، ناوچەی ئاوەدانی فەلەستینی نشین لە دیمەشقە کە لەساڵی 1957 دامەزرا.
ئیدارەی یەرمووک لەلایەن دەوڵەتی سوریا ڕادەستی بەرەی گەل بۆ ئازادی فەلەستین کرابوو بەڵام لە سەرەتای ئاڤریلی 2015 تاقمە تیرۆریستییەکانی داعش و نوسرە گەیشتنە ئەم ئوردوگایە. (BANGÊ ÎSLÂMİ)
