Ebadî: Piştî têrorîsmê, dor dora têkoşîna li hemberî gendelîya aborî ye

Serokwezîrê Iraqê ragihand ku piştî serketina Iraqê li hemberî têrorîsmê, niha sire ya têkoşîna li hemberî gendelîya aborîyê ye.

Li gorî rapora ajansa nûçan a IRNA`yê, Heyder Ebadî şeva buhurî li peyameke têlêvîzyonî bi boneya çilê Îmam Hisên (S) got: Çawan ku em li hemberî têrorîsmê serkevtî bûn, em ê bi wê moral û vînê dest bi têkoşîna li hemberî gendelîyê bikin û ewê jî têk bibin.

Serokwezîrê Iraqê pêgirî kir: Gendelên warê aborîyê li Iraqê yê bên şopandin û cezaya dadmendane ku hêjayî wan e yê bibe nesîbê wan.

Heyder Ebadî li vê peyamê tevî sersaxîdayîna ji ber çilê Îmam Hisên (S) pêgirî kir ku mesela Aşûrayê û Îmam Hisên (S) meseleyeke mirovî ye ne tenê ya dîn û mezhebekî taybet û divê em hemî bi kiryarên xwe û rastbêjî û fidakarîyê li bereya Îmam Hisên (S) cî bigirin.

Serokwezîrê Iraqê herwiha ji hemî hêzên ewlehîyê û dezgehên têkildar xwest tivdîrên pêwîst ji bo dabînkirina ewlehîya vegera hemî zîyaretkiran jî bikin. (BANGÊ ÎSLÂMİ)