Emar Hekîm partîyeke nû li Iraqê damezirand
Serokê Encumena Bilind a Îslamî û Hevalbendîya Netewî ya Iraqê, Emar Hekîm li peyamekê bi fermî derketina xwe ji Civata Bilind a Islamî ya Iraqê ragihand û dîyar kir ku partîya nû ya Hikmeya Niştîmanîyê damezirand.
Li gorî rapora nûçegihanê IRIB NEWS`ê, Serokê Encumena Bilind a Îslamî li Iraqê, Emar Hekîm duh Duşemê 24.07.2017 ji patiya xwe vekişîya.
Emar Hekîm herwiha avakirina Partîya Hikmeya Niştîmanî ragehand û ji rêvebirên partiya xwe re got: em ê hev li mala mezin bibînin. Wî herwiha damezirandina Partîya Hikmeya Niştîman jibo sûdwergirtina çêtir ji potansîyelên ciwanên iraqî li vê partîya nû û xizmeta jibo gelê Iraqê wek hegera sereke ya vekişîna xwe ji Encumena Bilind a Islamî ya Iraqê ragihand.
Hekîm herwiha got: Iraq li benda pêkhatina komên sîyasî yên nû ye û ev koma dikare li rex partîyên din ên Iraqê rewşa sîyasî, aborî û ewlehîya Iraqê çêtir bike.
Wî li dewama xeberdana xwe qedrê Komara Islamî ya Îranê û rêberê giranqedir ê inqilabê û gelê Îranê bi hegera piştgirîyên ji gelê Iraqê û gelê wî li qonaxên curbicur girt û helwesta Îranê li bara gelê Iraqê helwestek nayê jibîrkirinê wesif kir.
Emar Hekîm li pişkeke din a axavtinên xwe “ derxistina Iraqê ji rêzebendîyên tayfeyî“ aranca partîya nû zanî û got ku armanca partîya nûdamezirandî ya Hikmeya Niştîmanî xilaskirina Iraqê ji rêzebendîyên tayfeyî ye.
Emar Hekîm sala 1971 ji dayikbûye, kurê serokê berê yê Encûmena Bilind a Islamî ya Iraqê Ebdulezîz Hekîm e ku piştî koça dawîyê ya babê xwe di sala 2009`ê de, serokatîya Civata Bilinda Islamî ya Iraqê da ser milê xwe û di sala 2016`an de jî wek serokê Hevalbendîya Netewî ya Iraqê wek bereya sîyasî ya herîmezin a Iraqê ku dewleta vî welatî pêk anîye, hat bijartin (BANGÊ ÎSLÂMİ).
