Rêberê giranqedr: Hemasa 9 Dêyê mînaka qaweta nizama Komara Îslamî ye
Rêberê giranqedr ê Inqilaba Îslamî bereberê salvegera Hemasa 9 Dêya 1388`an (29`ê Kanûna 2009`an), ev hemaseya bêmînak û qaweta fikrî ya xelkê ji mînakên qaweta nizama Komara Îslamî da zanîn.
Hezretê ayetullah Xamineyî rêberê giranqedr ê Inqilaba Îslamî vê sibê li destpêka civîna dersa derveyî fiqhê û li bereberê salroja hemaseya 9 Dêya 1388-an a koça tavî bal kişand ser dijminatî û kîn û nefreta pratîkî ya zorbêjan li hemberî hakimiyeta Îslamê û hewldana wan jibo jinavbirina pîvan û faktorên qaweta nizama Îslamî û destnîaşn kir: Îro bernama dijberiya qawetên Îsalmî li hember Komara Îslamî ya Îranê jibo jinavbirina qaweta madî û menewî û viyan û îrada gelê Îranê ye. Berûvajî divê ev qaweta were parastin û rojêbirojê were xurtkirin.
Hezretê ayetullah Xamineyî bal kişand ser rewayeketê ji pêxemberê hêja (S) û bidestxistina xêr û bexteweriyê li civakên mirovahiyê li saya hebûna qawetê da zanîn. û got: Qawetên mustekbir yên mîna Emerîkayê bexteweriya civakê û tiştê ku weke nirxên emerîkî dizanin li komkirina mal û heyîtiyê û serdestiya ser cîhanê de dibînin; lê Îslam, bexteweriya mirovan li warê bidestxistina mezinatiyên însanî û hebûna hizr û emela quranî li hemî beşên civakê de dizane.
Rêberê giranqedr ê Inqilaba Îslamî hebûna nizama îslamî û xwediyê qawet û nifûzê li meselên curbicur ên navçeyê sedema derketina dijminatiyê û kîn û nifrea qawetên cîhanê da zanîn û got: Nizama serdestîxwaz dijberê her cure fikr û tevgera li dijî zilmê û duberekiyê li cîhanê ye lê wextekê bi hemî hêza xwe li hember tevgerekê radiweste ku vê tevgerê karibe gel û neteweyekê bixe tevgerê.
Wî bingeha komplo û dijminatiyên curbicur digel Komara Îslamî ya Îranê, dijberiya Îrana ku xwediyê çavkaniyên zav ên xwezayî û însanî û aborî, gotin û mentîq û menbera siyasî û amûr û hêza hêja ya eskerî ye, li hember nizama serdestîxwaz da zanîn û destnîşan kir: Divê Komara Îslamî ya Îranê li hember van dijmiantiyan qaweta xwe jorde bibe û hegera tekezkirina ser zêdekirina qaweta navxweyî û qahîm û xurtkirina binavahiyan jî ev mesela ye.
Hezretê ayetullah Xamineyî her wiha bal kişand ser pêwîstiya pergalbûna bi cureyên qawetan ji wan qaweta fikrî, aborî, cîvakî û seferberiya gelanî û got: Derketian bi milyonan kesan li 22`ê Meha Behmenê nav kolan û çarsiyan piştî derbasbûna nêzîkî 40 salan ser Inqilaba Îslamî, nîşana qaweta nizama îslamî li warê seferberiya gelanî ye ku ev mijara li cîhanê bêmînak e.
Rêberê giranqedr ê Inqilaba Îslamî bûyera 9 Dêya 1388`an (29`ê Kanûna 2009`an) mînakeke din ji pîvanên qaweta nizamê da zanîn û got: Li wê bûyera bêmînak tu kes karbidest nebû û qaweta fikrî ku nijyara sereke ya nizama îslamî bû xelk kişande kolan û çarsiyan û ev buyera bêmînak pêk hat.
Hezretê ayetullah Xamineyî her wiha bextewerî û bêbextî girêdayî bi çawaniya bikaranîna qawetê da zanîn û li bara qaweta ji ber çekên navokî got: Qedexetiya çekên navokî bingeheke pir giring a fiqhî û beraqil heye lê îmkana hewldana jibo bidestxistian qawetan di destê dewlet û gel de ye . (BANGÊ ÎSLÂMİ)
