Dengvedana gotinên rêberê giranqedr ê Inqilabê li medya rojavayê
Gotinên îro yên rêberê giranqedr ê Inqilaba Îslamî li bara şertê mayîna Komara Îslamî ya Îranê li rêketinnama navokî û teqezkirina wî li ser garantîkirina parastina berjewendiyên Têhranê li vê peymana navneteweyî , bi awayekî berfireh li medyayê rojavayê deng vedan.
Li gorî rapora roja çarşemiyê ya IRNA`yê, France Pressê li vê barê nivîsî: Ayteullah Xamineyî rêberê pilebilind ê Îranê îro raghand ku Têhran ji rêketinnanama navokî derdikeve meger ku aliyên ewrûpî yên wajokirê hevhatinê li bara dewama têkiliyên ticarî piştî derketina Emerîkayê ji hevhatinê, garantiyê bidin.
Wî li axiftinekê xitabî dewleta Îranê ku ji televîzyonê hat weşandin, got: Tê gotin ku hûn daxwaza dewama hevhatina navokî bi sê welatên ewrûpî re dikin. Min bawerî bi van sê welatan tine.
Ger hûn dixwezin, peymanê girêdin, bila garantî bibe ne ku dê hemen karê Emerîkayê bikin.Ayteullah Xamineyî rêberê pilebilind ê Îranê got ku dewleta Îranê rastî îmtihaneke mezin ji bo parastina rûmeta gelê Îranê hatiye.
Wî li bara pêbaweriya li rayedarên biyanî hişyarî da û bi bîr xist ku gotina wan jî bênirx e, îro tiştekê dibêjin û sibê tişteke din. Ayteullah Xamineyî rêberê pilebilind ê Îranê tevî bêbaweriya mêjûyî li bara Emerkayê dema girêdana vê peymanê piştgirî da wê û heta got ku ev hevhatina dikare bingehek be bo muzakirên zêdetir.
Reutersê jî têkildarî gotinên rêberê giranqedr ê inqlabê ragihand: Ayteullah Xamineyî rêberê pilebilind ê Îranê tevî bişikbûna li bara pêşeroja rêketinnama navokî, gotinên Trump li bara derktina ji hevhatina navokî sivik û bênirx dan zanîn û got ku pêbaweriya xwe li welatên ewrûpî naynin.
Renge zêde ji 10 derew li gotinên wî hebûn, him gef li nizamê xwar û him jî li gel ku ez ê visa bikim û wisa bikim . Ez ji aliyê gelê Îranê ve dibêjim. Ev mêrika jî dê bimre û leşê wî bibe xwareka mahr û moran û Komar Îslamî dê hema wisa bisekine.
Associated Pressê jî gotinên rêberê giranqedr ê inqilabê xistin rojevê û li raporekê nivîsî: Rêberê bilindqedr ê Îranê, Donald Trump ji ber derketina Emerîkayê ji rêketinama navokî tawanbar kir û got ku renge zêde ji 10 derewan li gotinên wî hebûn, him gef li nizamê xwar û him jî li gel.
