Li Balyozxaneya Amerîkayê ya li Bexdayê sîrenên hişyariyê hatin lêxistin

Li baregeha leşkerî ya “Tewhîd 3” ya Balyozxaneya Amerîkayê ya li herêma Kesk a Bexdayê hişyariya tengasiyê hat dayîn. Hîn hûrguliyên zêdetir li ser nûçeyê nehatine belavkirin.

Balyozxaneya Amerîkî ya li Bexdayê, bi rûbera 170 kîlometre çargoşe, li cîhanê ya herî mezin e û çavdêran bawer dikin ku bi hezaran sîxur li wir kar dikin. Lê heta niha hikûmeta Iraqê derbarê kiryarên Balyozxaneya Amerîkayê de, di nav de pêkanîna meşq û gulebaran, bi taybetî ceribandina sîstema berevaniya esmanî C-RAM li navenda Bexdayê daxuyaniyek nedaye.

Balyozxaneya Amerîkî, ku li ‘Herêma Kesk’ a Bexdayê ye, pir caran pergala xwe ya berevaniyê û sîrenên alarmê wekî beşek ji tetbîqatek ewlehiyê çalak dike, û dibe sedema tirsê di nav niştecihên kompleksên niştecîbûnê yên li nêzî balyozxaneyê de. Ev yek bi xwepêşandanên grûp û aliyên siyasî yên cuda yên Iraqê re tê. Ji ber ku ceribandina sîstema berevaniyê ya Amerîkayê li devera niştecihbûna Bexdayê kiryareke provokatîf e û li dijî yasayên navdewletî ye.