NûçeRojhilatanavinSûriye
Li başûrê rojhilatê Sûriyê komeke mezin a ASAyê tevlî hêzên hikûmetê bû
Hat ragihandin ku li herêmên kêmkirina rageşiyê komeke mezin a girêdayî Artêşa Sûriya Azad (ASA) tevlî hêzên hikûmeta Sûriyeyê bûye.
Navenda lihevanîna aliyan a Rûsyayê ku li Sûriyeyê ragihand ku wan 22yê Hezîranê li herêma kêmkirina rageşiyê ya başûrê rojhilat digel rayedarên hikûmeta Sûriyeyê bi milîtanên ASAyê re hevdîtinek pêkanîne û di encamê de, serokê komeke mezin a ASAyê Tacamaua al Viyat al-Umarî û serokê komeke din a mezin Vejdi ebû Sles biryar dane tevlî hêzên hikûmeta Sûriyeyê bibin.
Di daxuyaniyê de hat diyarkirin, piştî hevdîtinan serokê komê Vejdî ebû Sles ragihandiye ku ew dê digel hikûmeta Sûriyeyê şerê Fetîh el Şam û DAIŞê bikin.
Navenda lihevanîna aliyan a Rûsyayê ragihand ku vê êvarê hêzên hikûmeta Sûriyeyê yekîneyên xwe yên ewil li niştîngehên Dama û Aş-Şiyahê bicih kirine.
