Li Îranê di heyama 6 mehan de 618 ton madeyên hişber hatine desteserkirin

Li gor rapora Kurdpress`ê, serdar Esedilah Hadînijad, duh, roja yekşemiyê, 12`yê hezîranê di civîna Navenda Têkoşîna li Hember Madeyên Hişber ku li Sineyê birêve çû de axivî û got: Di sala derbasbûyî de bi taybet di heyama 6 mehên dawiyê yên salê de zêdetirî 42 hezar kesên bêserûber û aware li seranserê welêt hatin naskirin ku bi qasî 15 hezar kes ji wan li Tehranê û yên din jî li bajarên din ên welêt bûn.

Cîgirê serokê Navenda Têkoşîna li Hember Madeyên Hişber yê di karûbarên navnetewî de herwiha di berdewamiya axaftinên xwe de got: Di heyama 6 mehên dawiyên yên sala derbasbûyî de bi qasî 618 ton madeyên hişber li welêt hatin desteserkirin ku ev rêje li gor rêjeyên salên derbasbûyî bilindtir bûye. (BANGÊ ÎSLÂMİ)