Li Ekvadorê hilbijartinan dest pê kirin. Di hilbijartinan de 4 namzet hene û tê payîn ku 12 milyon deng werin dayîn. Hilbijartin li gorî saeta Ekvadorê di saet 07.00an de dest pê kirin û wê di saet 17.00an de bi dawî bibin.
Her wiha tê payîn ku hibijartin di navbera namzetê partiya çep Lenin Moreno û serokê mixalîfan Guillermo Lasso de derbas bibe. Li gorî ankêtan Moreno ji sedî 28-32 yên dengan distîne, Lasso jî nêzîkî ji sedî 22yan distîne.
Lasso li ser hesabê xwe yê medyaya civakî diyar kiribû ku divê li welêt guhertin pêk were û gotibû ger ew were hilbijartinê, ew ê damezirînerê Wikileaksê Julian Assange ê ku li Balyozxaneya Ekvadorê ya li Îngilistanê tê girtin, ji wir derxîne.
Lenin Moreno jî di propagandaya xwe de digot pêwistî bi guherînê tune ye, tenê divê em hebkî din hewil bidin û bixebitin (BANGÊ ÎSLÂMİ)
