Nûçeya ketina DAIŞ`ê nav bajarê dîrokî yê Tedmura Sûriyê derew derket
Artêşa Sûriyê weşandina hin raporan ji aliyê çavklaniyên xeberî yên rojavayî û erebî va li bara ketina çeteyên koma têrorîst a DAIŞ`ê nav bajarê dîrokî yê Palmîrayê (Tedmur) derew zanî.
Kanala têlêvîziyoniya El Alemê ji zarê daxûyaniya artêşa Sûriyê ragihand: Hêzên artêşa Sûriyê hema wisa li baregehên xwe li bajarê Tedmurê ne û kontrola bajêr di destê wan da ye.
Li vî halî kanala El Alemê tevî piştrastkirina pevçûnên navbera hêzên artêşa Sûriyê û hêzên hevpeyman digel têrorîstên DAIŞ`ê li navçeya Amiriyê li bakurê bajarê dîrokî yê Tedmurê yê ser bi parêzgeha Humsê, ragihand: Şer û pevçûnên ku li vê navçeyê diqewimin ti têkiliya xwe bi Tedmurê ra tunînin.
Li vî halî çavkaniyên nûçeyan ên Sûriyê ragihandin ku hêzên artêşê derdora bîst kes ji çeteyên DAIŞ`ê li derdora navçeya El Barideya dorhêla rojhilatî ya Humsê kuştin.
Bajarê dîrokî yê Tedmur yan Palmîrayê havîna buhurî piştî çend hefteyan şerê giran navbera hêzên artêşê û têrorîstan ji bin dagirkeriya DAIŞ`ê hat derxistin.
DAIŞ`ê di heyama dagirkeriya Tedmurê da ji bilî xerakirina berfire ya şûnewarên kevnare yên vê navçeyê, bi sedan kes ji rûniştiyên vê navçeyê ji ber piştgiriya ji dewleta Şamê kuştibûn. (BANGÊ ÎSLÂMİ)
