Rapora malpera Debkayê têkildarî xalên herî giring ên danûstandina serdemê

Malpera siyonîstî ya Dêbêkayê îdia kir: Dewleta Amerîkayê bi alîkariya çend welatên paşvero yên ereb ên navçê ji wan Erebistan û Îmaratê li bara plana emerîkî ya danûstanina serdemê li hev kiriye.

 Li gorî rapora navenda raghandinê ya Filistînê, çavkaniya siyonîstî ya Debkayê li raporekê nivîsî: Donald Trump serokkomarê Emerîkayê tev şêx Temîm Bin Hemd Alê Sanî, mîrê Qeterê, Ebdulfetah El-Sîsî serokkomarê Misrê, Muhemed Bin Selman, welîehdê siûdî û şêx Muhemed Bin Zayid welîehdê Ebûzebiyê li bara naveroka  plana xwe ya nasiyar bi danûstandina serdemê behs û gotûbêj kiriye û biryar e ev plana di dema qirarkirî de ji aliyê Emerîkayê were raghandin.

Vê malpera siynîstî ji zarê hin çavkaniyên agehdar nivîsî: Li gor yek ji xalên plana  emerîkî ya nasiyar bi danûstandina serdemê, welatê Filistînê bi hakimiyeta sînordar tenê di nîvek ji kêleka rojava ya çemê Urdinê tê avakirin û li gor  vê planê, Ebdîs paytexta pêşniyarkirî ya Filistînî ye.

Li gorî plana  danûstandina serdemê, Îsraîl berpirsiyariya ewlehiyê ya beşeke zêde ya kêleka rojava û derbasgehên  sînorî digre destê xwe û tenê taxên  erebî yên Qudsa rojhilat tevlî welatê Filistînê dibin û Gaza bi şerta  hevhatina  Hamasê bi mesela jiçekkirinê tevlî  welatê nû yê Filistînê dibe.

Li gorî raghandina malpera siyonîstî ya Debkayê li plana  danûstandina serdemê, ya Emerîkayê, mafê vegeryana  filistîniyan bo welatê xwe Flistînê hat îbtalkirin û hakimiyeta ser mizgevta Eqsatyê bi awayê hevpar tê  sipartin bo Urdin, Filistîn û Rejîma  Siyonîstî.