Rojê 6 zarok li Yemen dibine qurbanî
Saziya UNICEF`ê ragihand ku ji ber şer û pevçûnên nav Yemenê rojê 6 zarok li vî welatî dibine qurbanî.
Li gor rapora ajansa nûçan a Fransayê Sandiqa zarokên Rêxistina Netewên Yekgirtî ya ser navê Saziya UNICEF`ê li rapora xwe ya duh sêşemê ragihand ku ji çaxê destdirêjiya Erebistanê ser axa Yemenê ji 26 Marsa 2015 heta niha 934 zarok hatne kuştin û hezar û 356 zarok jî birîndar bûne.
Li vê raporê herwisa hatiye ku nîzikî 10 hezar ji zarokên yemenî yên ku temenê wan kêmtir ji 5 sal e li sala bihurî ji ber ketina bi nexweşiyê û nebûna dermanan û xizmetguzariyên din ên saxlemiyê mirine û nîzikî 320 hezar zarokên yemenî jî li rewşekî nebaş dane û xwarekekî baş nagihêje wan.
Rêxistina Netewên Yekgirtî li raporeke xwe da destnîşan kiriye ku ji destpêka destdirêjiya Erebistanê ser axa Yemenê 3 hezar kes hatine kuştin lê wezareta saxlemiya Yemenê ragihandiye ku heta niha zêdetir ji 7 hezar ji xelkê Yemenê ji ber destdirêjiyên firokên Erebistanê hatine kuştin.
Erebistanê bi palpiştiya birek ji welatên erebî yên navçê û Amerîka ji 26 Marsa sala 2015 bi berfirehî êrişên xwe yên hewayî dijî axa Yemenê destpê kirin û hema ji wê çaxê va dixebitin ku Mensûr Hadî serokkomarê reviyayî yê vî welatî carek din bînin ser şixul lê xelkê Yemenê neyarê vê siyaseta Riyazê ne. (BANGÊ ÎSLÂMİ)
