SORANİ- زەریف بەرەو نیۆیۆرک کەوتە ڕێ
وەزیری دەرەوەی کۆماری ئیسلامیی ئێران بەیانی ڕۆژی پێنج شەممە بە مەبەستی بەشداریکردن لە کۆبوونەوەی کۆگەی باڵای سیاسی ڕێکخراوی نەتەوەکان بەرەو نیۆیۆرک وەڕێ کەوت.
بەهرام قاسمی وتەبێژی وەزارەتی دەرەوەی ئێران وتی : محەممەد جەواد زەریف وەزیری دەرەوەی ئێران لە پەراوێزی کۆبوونەوەی کۆگەی باڵای سیاسی نەتەوەیەکگرتووەکان لەگەڵ بیرمەندان، کاربەدەستان و کەسایەتییەکانی جیهان لە وڵاتانی جۆربەجۆر دیدار و وتووێژ دەکات .
وتەبێژی وەزارەتی دەرەوەی ئێران ، ئامادەبوون و وتاردانی زەریف لە بیرکەدەی ئەنجومەنی پێوەندی دەرەوەیی واتە ( CFR) ی بە ئامادەبوونی ریچارد هاس سەرۆکی ئەم ناوەندە لەڕۆژی دووشەممە حەڤدەی ژووئیە لەبەرنامەکانی دیکەی وەزیری دەرەوەی ئێران لە ئەمریکا ڕاگەیاند .
ئامانجی سەرەکیی کۆبوونەوەی کۆگەی باڵای سیاسی ڕێکخراوی نەتەوەکان لە ساڵی دووهەزارو حەڤدە بنبڕ کردنی هەژاری و گەشەی ماڵی لە جیهان ڕاگەیەندراوە.
ئەم کۆبوونەوەیە لە ڕۆژی دووشەممە دەیەمی ژووئیە دەست پێکراوە و هەتا چوارشەممە نۆزدەی ژووئییە درێژەی هەبووە
