Wezîrê Parastinê yê Îranê: Di hilberîna motora balafirên bêmirov de em bi xwe têra xwe bûne
Wezîrê Parastinê yê Îranê General Muhammed Riza Aştîyanî piştî civîna lijneya wezîran bersiv da pirsên rojnamevanan.
Têkildarî serdana xwe ya li gel Wezîrê Parastinê yê Qeterê, Tûgeneral Aştîyanî got, “Em di warê berevaniyê de bi hemû welatan re aktîf in. Wezîrê Berevaniyê yê Qeterê got: “Em bi awayekî aktîftir li ser Qeterê dixebitin, ew welatekî bibandor e, me di hevdîtina xwe ya bi Wezîrê Berevaniya Qeterê re jî li ser mijarên herêmî gotûbêj kir.”
Serleşker Aştîyanî herwiha got: “Me ji bo pêşxistin û zêdekirina hevkarî û kiryaran ku bibe bingehê geşepêdana hevkariyê, dest bi piroseya danustandineke baş kiriye û emê hewl bidin vê proseyê li gel welatên din jî cîbicî bikin. ”
Wezîrê Parastinê derbarê çêkirina balafira rêwiyan de wiha got: “Wezareta Parastinê di warê çêkirin û tamîrkirina balafiran de xwedî kapasîteyên bêhempa ye. “Em ê li gel gelê xwe vê lêkolînê bişopînin heta ku encam bi awayekî teqez bên eşkerekirin.”
Serleşker Aştîyanî her wiha got: Sala bê emê di warê fezayê de pêşketinên mezin bi dest bixin û li gel keştiya satelaytê ya Sîmûrgh qada xebatê berfirehtir bikin.
Serleşker Aştîyanî li ser hinardekirina di warê berevaniyê de jî got, “Di warê hinardekirina berevaniyê de em bi qasî 4-5 qatan mezin bûne. “Ev mezinbûn dê di pêşerojê de bêtir zêde bibe û ev hinardekirin dê li gorî nûbûn û çekên nû yên ku têne hilberandin bêtir zêde bibe.”
Wezîrê Parastinê der barê çêkirina motora balafiran de ev tişt got: “Em di warê çêkirina motora balafirên bêmirov de bi xwe têra xwe bûn û li ser motorên giran jî em dixebitin.”
