Zerîf: Îran nakeve ber bandora gefan
Wezîrê karên derve yê Îranê wek berteka li hember gefên vê dawiyê yên rayedarên emerîkî li twîtera xwe nivîsî: Îran nakeve ber bandora gefan.
Li gorî rapora îro ya Fars Newsê, Muhemed Cewad Zerîf wezîrê karên derve yê Îranê wek berteka li hember îdiaya rayedarên rojava bitaybet Emerîkayê derheq ceribîna mûşekî ya Îranê nivîsiye: Ewlehiya Îranê ji piştgiriyên gelanî çavkaniyê digre.
Muhemed Cewad Zerîf destnîşan kiriye ku Îran tu carî şer destpê nake, lê jibo berevaiya xwe dê ser amûrên xwecî bixebitîne.
Wezîrê karên derve yê Îranê çend rojan berî niha jî li civîna rojnamevaniyê ya hevpar tev wezîrê karên derve yê Fransayê li Têhranê tekez kiribû ku Îran jibo berevaniya xwe û xurtkirina hêza xwe ya berevaniyê ji tu kesî îznê nastîne.
Maykel Felîn şêwirmendê ewlehiya neteweyî ya dewleta Emerîkayê îdia kirye ceribandina mûşekî ya Îranê li dijî biryarnama 2231`an a konseya ewlehiyê ya NY ye û dewleta Emerîkayê dê ji vê şûn de, bala xwe bide ser Îranê û pêngavên wê.(BANGÊ ÎSLÂMİ)
