Hêzên asayişa Kerkûkê li bajarokê Daqûqê çekdarên DAIŞê bindest kirin

Berdevkê asayişa Kerkûkê Ferhad Heme Elî got, hêzên me duhî li Daqûqê bandek girtin ku ji 3 kesan pêk hatibûn û karê wan derbaskirina çekdarên DAIŞê û mirovan wan çekdaran bo nav Kerkûkê bû.

Ferhad Heme Elî her wiha got, wan kesan çekdarên DAIŞê yan jî malbatên çekdaran ji bajarokê Hewîcê derbasî nav Kerkûkê dikirin û li hember wê jî dirav distandin.

Wî efserê asayişê da zanîn ku wan tohmetbaran ew kar bi qaçaxî dikirin û got, ew kesên ku me giritne yek turkmen e yên din jî ereb in.

Berdevkê asayişa Kerkûkê anî ziman ku sûcê herî dawî yê ku wan kesan ew bû ku jinek di bin kursiya otomobîlê de veşartibûn û dixwastin derbasî Kerkûkê bikin. Ew jin û şofêrê otomobîlê jî hatin girtin.

Ferhad Heme Elî ragihand ku ew jin sê salan li Hewîcê çekdara DAIŞê bûye, niha jî kurekî wê di nav DAIŞê de ye. (BANGÊ ÎSLÂMİ)